ब्रेकिंग

क्रीडा

आयपीएलमध्ये बंगळुरु अव्वल स्थानावर

Wrutuja pandharpure
28 Mar 2025

हैदराबाद : लखनऊच्या विजयानंतर आयपीएलच्या गुणतालिकेत मोठा बदल झाला आहे. आतापर्यंत झालेल्या पहिल्या काही सामन्यातच गुणतालिकेत अनेक बदल झाल्याचे पाहायला मिळाले.रॉयल चॅलेंजर्स बंगळुरू पहिल्या स्थानावर आहे. तर लखनऊ सुपर जायंट्स संघाने २ गुणांसह दुसरा क्रमांक मिळविला आहे.

पंजाबचा संघ तिसर्‍या क्रमांकावर तर चेन्नई सुपर किंग्ज चौथ्या क्रमांकावर आहे. सनरायझर्स हैदराबाद गुणतालिकेत सहाव्या क्रमांकावर आहे. हैदराबादचे दोन गुण आहेत. नेट रनरेट इतर संघांच्या तुलनेत खूप चांगला असल्याने हैदराबादचा संघ गुणतालिकेत पहिल्या स्थानावर होता मात्र कालच्या पराभवामुळे पहिले स्थान गमावले. याशिवाय, दिल्ली कॅपिटल्स गुणतालिकेत पाचव्या स्थानावर आहे. या सर्व संघांचे २-२ गुण समान आहेत. व्यतिरिक्त, मुंबई इंडियन्स, गुजरात टायटन्स, कोलकाता नाईट रायडर्स आणि राजस्तान रॉयल्स यांना पहिल्या सामन्यात पराभवाचा सामना करावा लागला.

याआधी दिल्ली कॅपिटल्सने लखनऊ सुपर जायंट्सचा पराभव केला. त्याच वेळी, मुंबई इंडियन्सना चेन्नई सुपर किंग्जविरुद्ध पराभव स्वीकारावा लागला. तर पंजाब किंग्जने गुजरात टायटन्सचा पराभव केला. या हंगामातील पहिल्या सामन्यात रॉयल चॅलेंजर्स बंगळुरूने कोलकाता नाईट रायडर्सचा पराभव केला. याशिवाय सनरायझर्स हैदराबादने राजस्तान रॉयल्सचा पराभव केला.