ब्रेकिंग

गौरव आहुजासह मित्राच्या जामीन अर्जावर १७ मार्चला सुनावणी

Samruddhi Dhayagude
14 Mar 2025

पुणे : आलिशान मोटारीतून येताना येरवडयातील शास्त्रीनगर चौकात रस्त्यावर थांबून लघुशंका केल्याप्रकरणात आरोपी गौरव आहुजासह त्याच्या मित्राच्या जामीन अर्जावर येत्या १७ मार्चला न्यायालयात सुनावणी होणार आहे.

न्यायालयाने मंगळवारी गौरव आहुजाला न्यायालयीन कोठडीत ठेवण्याचा आदेश दिला. तर त्याचा मित्र भाग्येश ओसवाल हा सध्या न्यायालयीन कोठडीत आहे. कोरेगाव पार्क-मुंढवा रस्त्यावरील एका पंचतारांकित हॉटेलमधील पबमध्ये या दोघांनी शुक्रवारी रात्रभर पार्टी केली. त्यानंतर आलिशान मोटारीतून येताना शास्त्रीनगर चौकात रस्त्यावर मधोमध थांबून विकृत कृत्य केले. या प्रकरणी गौरव मनोज आहुजा (वय २५, रा. साठे कॉलनी, टिळक रस्ता) आणि त्याचा मित्र भाग्येश प्रकाश ओसवाल (वय २२, रा. प्राइड हाइट्स सोसायटी, मार्केटयार्ड) या दोघांना येरवडा पोलिसांनी अटक केली होती. भाग्येश ओसवाल याला सोमवारी न्यायालयाने न्यायालयीन कोठडी सुनावली होती.