पुणे : नॅशनल टेस्टिंग एजन्सीने संयुक्त प्रवेश परीक्षा जेईई मुख्य २०२५ सत्र-२ परीक्षेचे अधिकृत वेळापत्रक जाहीर केले आहे. सत्र-२ च्या परीक्षा २ एप्रिल ते ९ एप्रिल दरम्यान होतील. ज्या उमेदवारांनी परीक्षेला बसण्यासाठी नोंदणी केली आहे, त्यांना अधिकृत संकेतस्थळाला भेट देऊन तपशीलवार वेळापत्रक डाऊनलोड करता येईल. २०२५ च्या जेईई मुख्य सत्र २ परीक्षेच्या वेळापत्रकानुसार, जेईई मुख्य पेपर १ (बीई, बीटेक) पहिल्या पाच दिवसांत घेण्यात येईल. एजन्सी शेवटच्या दिवशी जेईई मेन पेपर २अ (बी.आर्क), पेपर २ब (बीप्लॅनिंग) आणि पेपर २ अ आणि २ ब (बी.आर्क, बीप्लॅन) घेईल. जेईई मुख्य परीक्षा २०२५ ही दोन शिफ्टमध्ये घेतली जाईल. शिफ्ट १ सकाळी ९ ते दुपारी १२ आणि शिफ्ट २ दुपारी ३ ते संध्याकाळी ६ या वेळेत होईल. जेईई मुख्य २०२५ च्या सुधारित पॅटर्ननुसार, विभाग ब मध्ये पर्यायी प्रश्न नसतील. जेईई मेनमध्ये प्रत्येक विषयात फक्त ५ प्रश्न असतील आणि विद्यार्थ्यांना सर्व ५ प्रश्नांची उत्तरे द्यावी लागतील. जेईई मेन २०२५ च्या अभ्यासक्रमात भौतिकशास्त्र, रसायनशास्त्र, गणित या तीन विषयांचा समावेश आहे. जेईई मुख्य २०२५ परीक्षेत ३ पेपर असतील.