पुणे : मागील आठवड्याच्या तुलनेत बाजारात कांदा, शिमला मिरची आणि भुईमुग शेंगांची आवक वाढली आहे. त्यामुळे दरात घट झाली आहे. हिरवी मिरची, घेवडा आणि मटारची आवक घटली असल्याने दरात वाढ झाली आहे. उर्वरित भाज्यांचे दर स्थिर आहेत. अशी माहिती ज्येष्ठ आडते विलास भुजबळ यांनी दिली. 

 

गुलटेकडी येथील बाजारात पुणे विभाग राज्याच्या विविध भागांसह परराज्यांतून सुमारे १०० ट्रक फळभाज्यांची आवक झाली. कर्नाटक, गुजरात आणि आंध्रप्रदेश येथून हिरवी मिरची सुमारे ७ ते ८ टेम्पो, कर्नाटक आणि गुजरात येथून कोबी ४ ते ५ टेम्पो, कर्नाटक आणि गुजरात येथून घेवडा प्रत्येकी ३ ते ४ टेम्पो, आंध्रप्रदेश, तमिळनाडू येथून शेवगा ४ ते ५ टेम्पो, राजस्तान येथून गाजर ८ ते १० ट्रक, शिमल्यावरुन १ ट्रक आणि पंजाबवरुन ५ ते ६ टेम्पो, कर्नाटकातून ३ टेम्पो भुईमुग शेंग, कर्नाटक येथून पावटा ३ ते ४ टेम्पो, आंध्रप्रदेश येथून तोतापुरी कैरी ५ ते ६ टेम्पो, गुजरात, मध्यप्रदेशातून लसूण सुमारे १० ते १२ टेम्पो आवक झाली होती. तर स्थानिक भागातून झालेल्या आवकेमध्ये सातारी आले सुमारे ५०० ते ६०० गोणी, भेंडी आणि कोबी प्रत्येकी ७ ते ८ टेम्पो, गवार ५ ते ६ टेम्पो, हिरवी मिरची ४ ते ५ टेम्पो, टोमॅटो ९ ते १० हजार क्रेट, फ्लॉवर १० ते १२ टेम्पो, काकडी ७ ते ८ टेम्पो , सिमला मिरची ९ ते १० टेम्पो, तांबडा भोपळा १० ते १२ टेम्पो, कांदा सुमारे १२५ ते १५० ट्रक, इंदौर, आग्रा, स्थानिक भागातून बटाटा ४० टेम्पो आवक झाली होती.

 

फळभाज्यांचे दहा किलोचे भाव : कांदा १५०-१८० बटाटा १००- १८० लसूण ४००- ८००, आले सातारी ३००-३५०, भेंडी २५०-४००, गवार ६००-८००, टोमॅटो ८०- १२०, दोडका ३००-३५०, हिरवी मिरची ५००-६००, दुधी भोपळा १००-२००, चवळी २००-२५०, काकडी १५०-२००, कारली : हिरवी २५०-३००, पांढरी २००-२५०, पापडी २५०-३००, पडवळ  २००-२५०, फ्लॉवर ६०-१००, कोबी ४०- ५०, वांगी २००-४००, डिंगरी  २००-२५० नवलकोल ६०-८०, ढोबळी मिरची २००-२५०, तोंडली : कळी  ३००-३५०, जाड १५०-१६०, शेवगा ३००-४००, गाजर १५०-२००, वालवर  ३००-३५०, बीट ६०-८०, घेवडा ४००-४५०, कोहळा १००- १५०, आर्वी २००-२५०, घोसावळे २००-२५०, ढेमसे २००-२५०, भुईमूग शेंग ६००, मटार : स्थानिक ४५०-५००, परराज्य ४००-४५०, पावटा ५५०-६००, तांबडा भोपळा १००-१५०, तोतापुरी कैरी ४००-७००, सुरण १८०-२००, मका कणीस ५०-१००, नारळ (शेकडा) १०००- १६००.

 

शेपू, कांदापात, चाकवत, राजगिर्‍याच्या भावात वाढ

 

पालेभाज्या विभागात काल शेपू, कांदापात, चाकवत आणि राजगिर्‍याच्या भावात वाढ झाली. पुदीन्याच्या भावात घट झाली असून कोथींबीर, मेथी, करडई, अंबाडी, मुळे, चुका, चवळई आणि पालकचे भाव स्थिर आहेत. दरम्यान पालेभाज्यांमध्ये कोथिंबिरीची सुमारे ९० हजार जुडी तर मेथीची ६० हजार जुडी आवक झाली होती.पालेभाज्यांचे शेकड्यातील भाव : कोथिंबीर १०००-१५००, मेथी ८००-१२००, शेपू ८००-१०००, कांदापात ८००-१२००, चाकवत ३००-६००, करडई ३००-६००, पुदिना ३००-५००, अंबाडी ३००-६००, मुळे ८००-१२००, राजगिरा ४००- ७००, चुका ५००-८००, चवळई ३००-६००, पालक ८००-१२००़

 

संत्रा, पपई आणि लिंबाच्या भावात वाढ

 

फळबाजारात काल संत्रा, पपई आणि लिंबांच्या भावात वाढ झाली आहे. खरबूज आणि पेरुच्या भावात मात्र घट झाली. तर अननस, डाळींब, मोसंबी, कलिंगड, स्ट्रॉबेरी आणि चिक्कूचे भाव स्थिर असल्याची माहिती व्यापार्‍यांनी दिली़ फळबाजारात काल फळबाजारात मोसंबी ३० ते ४० टन, संत्रा ४० ते ५० टन, डाळिंब २० ते २५ टन, पपई १० ते १५ टेम्पो, लिंबांची सुमारे दीड ते दोन हजार गोणी, कलिंगड ८० ते १०० टेम्पो, खरबूज ३० ते ४० टेम्पो, चिक्कू दोन हजार बॉक्स, अननस ६ ट्रक, पेरु ३०० ते ४०० क्रेट इतकी आवक झाली होती.

 

फळांचे भाव पुढीलप्रमाणे - लिंबे (प्रतिगोणी) ५००-१८००, मोसंबी (३ डझन) १३०-२८०, (४ डझन) ४०-१२०, संत्रा (१० किलो) ३००-१०००, डाळिंब (प्रतिकिलोस) भगवा ८०-२५०, आरक्ता १०-७०, गणेश १०-४०, कलिंगड ७-१२, खरबूज १५-२५, पपई १०-२५, चिक्कू (दहा किलो) १००-६००़ अननस (१ डझन) १००-६००़

 

फुलांच्या भावात घसरण

 

फुलबाजारात विविध प्रकारच्या फुलांना मागणी कमीच आहे. आवकही कमीच होत आहे. त्यामुळे विविध प्रकारच्या फुलांच्या दरात दहा टक्क्यांनी घसरण झाली आहे. अशी माहिती व्यापारी सागर भोसले यांनी दिली.फुलांचे प्रतिकिलोचे दर पुढीलप्रमाणे : झेंडू : १०-२०, गुलछडी ४०-६०, ऑष्टर : जुडी ७-१५, सुट्टा ५०-८०, कापरी १०-३०, शेवंती ६०-८०, (गड्डीचे भाव) गुलाबगड्डी ५-१५, गुलछडी काडी ३०-६०, डच गुलाब (२० नग) ८०-१३०, जर्बेरा २०-४०, कार्नेशियन १५०-२००, शेवंती काडी १००-१५०, लिलियम (१० काड्या) ८००-१०००, ऑर्चिड ४००-५००, ग्लॅडिओ (१० काड्या) ८०-१२०, जिप्सोफिला ६०-१५०.