ब्रेकिंग

क्रीडा

रोहित, विराट यांना अ श्रेणीमध्ये कायम ठेवण्यास बीसीसीआय तयार

Wrutuja pandharpure
03 Apr 2025

मुंबई : बीसीसीआयने भारतीय पुरुष क्रिकेट संघाच्या खेळाडूंसाठी नवीन वार्षिक करार यादी तयार केली आहे. सूत्रांनी दिलेल्या माहितीनुसार, टी-२० प्रकारामधून निवृत्ती घेतल्यानंतरही रोहित शर्मा आणि विराट कोहली यांचा अ श्रेणी सेंट्रल कॉन्ट्रॅक्ट कायम ठेवण्यास बीसीसीआय तयार आहे.अ श्रेणी सेंट्रल कॉन्ट्रॅक्ट मध्ये त्यांना ७ कोटी रुपये मिळतील. सूत्रांनी सांगितले की, रोहित शर्मा आणि विराट कोहली दोघेही मोठे खेळाडू आहेत आणि त्यांना त्याचा हक्क दिला जाईल. याच कारणास्तव, टी-२० आंतरराष्ट्रीय क्रिकेटला निरोप देऊनही, त्याला पुन्हा एकदा अव्वल श्रेणीत स्थान देण्यात येणार आहे.

त्याच वेळी, बीसीसीआयशी झालेल्या कटू मतभेदानंतर श्रेयस अय्यर २०२३-२४ च्या चक्रात केंद्रीय करारात पुनरागमन करण्यास सज्ज झाल्याची बातमी आहे. ईशान किशनबद्दल सूत्रांचे म्हणणे आहे की, त्याला अजूनही केंद्रीय करारात परत येण्यासाठी वाट पहावी लागेल. ईशानने समस्या सोडवण्यासाठी काम केले आहे, परंतु त्याचे स्थान परत मिळविण्यासाठी ते पुरेसे नाही.