ब्रेकिंग

देश

राज्यपाल हरिभाऊ बागडे यांच्या विमानाचा अपघात

Samruddhi Dhayagude
31 Mar 2025

जयपूर : राज्यस्तानचे राज्यपाल हरिभाऊ बागडे हे शनिवारी पाली येथे दोन दिवसांच्या दौर्‍यासाठी आले होते. त्यावेळी एक दुर्घटना घडता घडता टळली आहे. हरिभाऊ बागडे यांच्या विमानाचा शनिवारी तांत्रिक बिघाडामुळे पाली येथे अपघात झाला. सुदैवाने बागडे त्या विमानामध्ये नसल्यामुळे ते सुखरूप आहेत.ते विमान दुपारी अजमेर येथून पाली येथील शासकीय कन्या महाविद्यालयाच्या हेलिपॅडवर पोहोचले होते. त्यावेळी जिल्हाधिकार्‍यांनी त्यांचे स्वागत केले. त्यानंतर ते जिल्हा परिषदेच्या सभागृहातील नियोजित कार्यक्रमाला भेट देण्यासाठी गेले. त्यानंतर कन्या विद्यालयाच्या हेलिपॅडवरून विमानाने जयपूरला परत जाताना त्यांच्या विमानाने पुन्हा उड्डाण केले. अचानक विमानाच्या पंख्यांत स्फोट झाला आणि धूर निघू लागला. तेव्हा विमान १० फूटच उडालेले होते. विमानवर उडण्याऐवजी जागेवरच गिरक्या घालत होते. दुर्घटना घडली तेव्हा राज्यपाल बागडे विमानामध्ये नव्हते. ते नियोजित कार्यक्रमानुसार रस्तामार्गे आधीच सोनाणाकडे निघून गेले होते. त्यामुळे मोठी दुर्घटना टळली.