ब्रेकिंग

क्रीडा

युवराज सिंग-विराट कोहली यांच्यात मतभेद

Samruddhi Dhayagude
14 Mar 2025

मुंबई : आयसीसी चॅम्पियन्स चषक २०२५ जिंकल्यानंतर भारतीय कर्णधार रोहित शर्मा आणि त्याच्या कंपनीचे जगभरात कौतुक होत आहे. या चॅम्पियन्स ट्रॉफीमध्ये भारतीय संघाने संघ म्हणून चॅम्पियनशिप कशी जिंकली जाते याचे उदाहरण सादर केले.

या दरम्यान, एकदिवसाचा आणि टी-२० विश्वचषक जिंकणारा माजी भारतीय अष्टपैलू खेळाडू युवराज सिंगने भारतीय संघाच्या जवळजवळ प्रत्येक खेळाडूचे कौतुक केले, परंतु त्याच्या पोस्टवरून एका खेळाडूचे नाव गायब होते, ज्याने चॅम्पियन्स चषकामध्ये भारतासाठी दोन सामन्यांमध्ये शानदार खेळी खेळली होती.

हा खेळाडू दुसरा तिसरा कोणी नसून भारताचा फलंदाज विराट कोहली आहे. आयसीसी चॅम्पियन्स ट्रॉफीमध्ये विराट कोहलीने पाकिस्तानविरुद्ध १०० धावांची नाबाद खेळी केली आणि ऑस्ट्रेलियाविरुद्ध शतक हुकले असले तरी, त्या सामन्यात टीम इंडियाकडून ती सर्वोच्च धावसंख्या होती.ऑस्ट्रेलियाविरुद्ध कोहलीने ८४ धावांची शानदार खेळी केली. २०२५ च्या आयसीसी चॅम्पियन्स ट्रॉफीमध्ये विराट कोहलीने भारतीय संघासाठी अनेक महत्त्वाच्या खेळी केल्या. अशा परिस्थितीत, युवराजच्या पोस्टवरून कोहलीचे नाव गायब होणे, हे कोहली आणि सिक्सर किंगमध्ये सर्व काही ठीक नसल्याचे संकेत देते.

युवराज सिंगने त्याच्या पोस्टमध्ये लिहिले, किती छान फायनल होती. चॅम्पियन्स ट्रॉफी घरी आली. ’हिटमॅन’ रोहित शर्माचे उत्कृष्ट कर्णधारपद, ज्याने संपूर्ण स्पर्धेत एका महान लीडरप्रमाणे संघाचे नेतृत्व केले. आयसीसी स्पर्धांबद्दल बोलायचे झाले तर रोहित वेगळ्याच लयीत आहे.

युवी पाजी पुढे लिहितात, संघावर दबाव असताना श्रेयस अय्यर, शुभमन गिल, केएल राहुल आणि हार्दिक पांड्या यांनी जबाबदारी घेतली. रवींद्र जडेजा, कुलदीप यादव, अक्षर पटेल आणि वरुण चक्रवर्ती यांनी संपूर्ण स्पर्धेत आपली फिरकी जादू दाखवली. शमीनेही सातत्य दाखवले, पण न्यूझीलंडचे नशीब पुन्हा एकदा वाईट ठरले.युवराज सिंगने विराट कोहलीचे नाव घेतले नाही किंवा त्याला त्याच्या पोस्टमध्ये टॅग केले नाही. तर युवीने त्याच्या पोस्टमध्ये रोहित शर्मापासून वरुण चक्रवर्तीपर्यंत सर्वांची नावे घेतली. युवराज सिंगच्या या पोस्टनंतर चाहते असा अंदाज लावत आहेत की 'सिक्सर किंग' युवराज सिंग आणि 'रन मशीन' विराट कोहली यांच्यात काही मतभेद सुरू आहेत.