ब्रेकिंग

महाराष्ट्र

मधमाश्यांचा विद्यार्थ्यांवर हल्ला; १३ जण जखमी

Samruddhi Dhayagude
16 Apr 2025

नंदुरबार : आदिवासी आश्रम शाळेतील विद्यार्थ्यांवर मधमाश्यांनी अचानक हल्ला केल्यामुळे एकच खळबळ उडाली. शाळेतील मैदानात विद्यार्थी खेळत होते, त्याचवेळी मधमाशांच्या थव्याने हल्ला केला. त्यामुळे एकच खळबळ उडाली, विद्यार्थी सैरावैरा धावू लागले. जखमी विद्यार्थ्यांना जिल्हा रुग्णालयात उपचारासाठी दाखल करण्यात आल आहे. मधमाशां चावल्यानंतर काही जणांना उलट्याचा त्रास होत होता. नवापूर तालुक्यातील बंधारे येथे आदिवासी विकास प्रकल्पांतर्गत आश्रम शाळेत मधमाश्यांचा हल्ला केल्याची घटना घडली. सध्या विद्यार्थ्यांची प्रकृती स्थिर असल्याची माहिती डॉक्टरांनी दिली.

नवापूर तालुक्यातील बंधारे येथे आदिवासी विकास प्रकल्पांतर्गत आश्रमशाळा आहे. या आश्रमशाळेत इयत्ता दुसरी ते सहावीच्या वर्गात शिकणारे विद्यार्थी हे शाळेच्या मागील बाजूच्या परिसरात खेळत होते. या शाळेच्या खिडकीला मधमाश्यांचे पोळे लागलेले होते, परंतु अचानक त्या पोळ्यावरील मधमाश्यांनी उडून परिसरात खेळत असलेल्या विद्यार्थ्यांवर हल्ला करीत चावा घेतला.