ब्रेकिंग

दुमजली उड्डाणपूल विमाननगर चौकापर्यंत

Wrutuja pandharpure
06 Apr 2025

वडगावशेरी : वाघोली पर्यंत असणार्‍या दुमजली उड्डाणपूल हा विमाननगर पासून सुरू होणार आहे. येरवडा ते वाघोली पर्यत असलेला बीआरटी मार्गा काढवा लागणार आहे. नगर रस्त्यावर अर्धवटच बीआरटीचा मार्ग काढलेला आहे. आता सर्वच रस्ता मोकळा करण्याचा आदेश उपमुख्यमंत्री अजित पवार यांनी महापालिका आयुक्तांना दिला आहे. अशी माहिती माजी आमदार सुनिल टिंगरे यांनी दिली.

नगर रस्त्यावरील वाहतूक कोंडीचा प्रश्न सोडविण्यासाठी हा नगर रस्त्यावर दोन मजली उड्डाणपूल उभारण्यात येणार आहे. यासाठी मागील काही महिन्या पूर्वी बीआरटी मार्ग काढला. मात्र तो अर्धवट अवस्थेत होता. आता बीआरटी मार्गिका तातडीने काढून टाकण्याचे आदेश पालकमंत्री अजित पवार यांनी महापालिका आयुक्तांना दिले. तसेच एनएचआय च्या माध्यमातून होणारा वाघोली पर्यंतचा दुमजली उड्डाणपूल थेट विमाननगर पर्यंत करण्याचे निर्देशही पवार यांनी राज्याच्या मुख्य सचिव सुजाता सैनिक यांना दिले.

वडगावशेरी मतदार संघातील पाणी टंचाईचा प्रश्न आणि नगर रस्त्यावरील वाहतूक कोंडी यासंदर्भात पालकमंत्री पवार यांनी महापालिकेच्या अधिकायांसह बैठक घेतली. महापालिकेकडून ज्या टँकरने पाणी पुरवठा केला जातो. त्यावर विना शुल्क (फ्री) टँकर असा उल्लेख करा असे निर्देश दिले. तसेच या भागातील पाणी पुरवठा तातडीने सुरळीत करा असेही पवार यांनी सांगितले.

या बैठकीला, वडगावशेरीचे माजी आमदार सुनिल टिंगरे, महापालिका आयुक्त डॉ. राजेंद्र भोसले, अतिरिक्त आयुक्त प्रदिप चंद्रन, नगर अभियंता प्रशांत वाघमारे, पाणी पुरवठा विभागाचे प्रमुख नंदकुमार जगताप, माजी नगरसेविका उषा कळमकर, नारायण गलांडे, ज्ञानेश्वर शिंदे, बाळाभाऊ पर्‍हाड, मनोज पाचपुते आदी पदाधिकारी उपस्थित होते.