ब्रेकिंग

विधी महाविद्यालय रस्ता सर्वांत महागडा

Wrutuja pandharpure
02 Apr 2025

पुणे : नोंदणी व मुद्रांक विभागाने पुणे शहरात रेडी रेकनरच्या दरात सरासरी ४.१६ टक्के एवढी वाढ केली आहे. या पार्श्वभूमीवर पुण्यात घर घेण्याच्या दृष्टीने लॉ कॉलेज रस्ता हा परिसर सर्वाधिक महागडा ठरला आहे. या परिसरात सदनिकेचा दर प्रति चौरस मीटर १ लाख ८० हजार ९५० एवढा आहे, तर कार्यालयासाठीचा दर २ लाख ८ हजार १०० रुपये प्रति चौरस मीटर एवढा आहे.

शहरात दुसर्‍या क्रमांकावर कोरेगाव पार्क परिसर असून या परिसरात सदनिकांचा दर १ लाख ७९ हजार ४९० प्रति चौरस मीटर, तर कार्यालयासाठीचा दर २ लाख ६ हजार ४२० रुपये प्रति चौरस मीटर एवढा आहे.राज्यात मागील दोन वर्षांत रेडी रेकनरमध्ये वाढ केली नव्हती. यंदाच्या म्हणजेच २०२५-२६ या आर्थिक वर्षात वाढ करण्यात आली असून त्याची अंमलबजावणी मंगळवारपासून सुरु करण्यात आली आहे. त्यांमध्ये शहरातील जमीन, सदनिका, कार्यालय आणि दुकाने यांचे दर निश्चित करण्यात आले आहेत. त्यातील आकडेवारीनुसार शहरातील ‘टॉप टेन’ भागातील दर नोंदणी विभागाने जाहीर केले आहे. (पान

शहरात दुकानांसाठीचा सर्वाधिक महागडा परिसर जंगली महाराज रस्ता आहे. या परिसरात दुकानांचा दर ४ लाख ७५ हजार ९४० प्रति चौरस मीटर असा आहे, तर शहरात कमी दर हा नांदोशी गावात आहे. या ठिकाणी २ हजार १७० रुपये प्रति चौरस मीटर एवढा दर आहे. त्या खालोखाल किरकटवाडी येथे २ हजार ६८० रुपये प्रति चौरस मीटर एवढा आहे.