ब्रेकिंग

मुख्यमंत्री फडणवीस यांनी घेतले श्री लक्ष्मी नृसिंह देवताचे दर्शन

Samruddhi Dhayagude
30 Mar 2025

पुणे : मुख्यमंत्री देवेंद्र फडणवीस यांनी शनिवारी इंदापूर तालुक्यातील नीरा नरसिंहपूर येथील श्री लक्ष्मी नृसिंह देवतांचे दर्शन घेऊन पूजा केली.यावेळी क्रीडामंत्री दत्तात्रय भरणे, ग्रामविकास मंत्री जयकुमार गोरे, आमदार विजय शिवतारे, आमदार राहुल कुल, माजी मंत्री हर्षवर्धन पाटील, माजी आमदार राम सातपुते, मुख्यमंत्र्यांचे सचिव डॉ. श्रीकर परदेशी, जिल्हाधिकारी जितेंद्र डुडी, ग्रामीण पोलिस अधीक्षक पंकज देशमुख उपस्थित होते.

मुख्यमंत्री फडणवीस यांनी श्री नृसिंह यांची कर्पूर आरती आणि महाआरती केली, तसेच श्री लक्ष्मीचे दर्शन घेतले. मंदिराचे मुख्य पुजारी प्रसाद दंडवते यांनी पूजा केली. प्रदक्षिणावेळी मुख्यमंत्र्यांनी श्री क्षेत्र नीरा नरसिंहपूर विकास आराखड्यातील कामांच्या प्रगतीची अधिकारी व विश्वस्तांकडून माहिती घेतली. मुख्य विश्वस्त ज्ञानेश्वर अरगडे, विश्वस्त प्रशांत सुरू यांनी देवस्थान ट्रस्टच्या वतीने मुख्यमंत्र्यांचा सत्कार केला. ग्रामस्थांच्या वतीने सरपंच अर्चना सरवदे तसेच सदस्यांनी स्वागत केले. यावेळी प्रांताधिकारी वैभव नावडकर, अतिरिक्त पोलिस अधीक्षक गणेश बिरादार, उपविभागीय पोलिस अधिकारी सुदर्शन राठोड, तहसिलदार जीवन बनसोडे उपस्थित होते.