ब्रेकिंग

महाराष्ट्र

सह्याद्री साखर कारखान्यात बॉयलरचा भीषण स्फोट

Wrutuja pandharpure
21 Mar 2025

चार कर्मचारी गंभीर जखमी

सातारा, (प्रतिनिधी) : यशवंतनगर (ता. कराड) येथील सह्याद्री सहकारी साखर कारखान्यात ईएसपी बॉयलरचा टेस्टींग करताना भीषण स्फोट झाला. या घटनेमुळे सर्वांना मोठा धक्का बसला. ही घटना गुरुवारी सकाळी १०.३० वाजण्याच्या सुमारास घडली. दुर्घटनेमध्ये तीन ते चार कर्मचारी गंभीर जखमी झाले आहेत. त्यांना तात्काळ उपचारासाठी खाजगी रुग्णालयात दाखल करण्यात आले आहे.

शैलेश भारती (वय- ३२ रा. उत्तर प्रदेश), अमित कुमार (वय-१९ रा. बिहार) धर्मपाल (वय- १९ रा. उत्तर प्रदेश) अशी जखमी झालेल्यांची नावे आहेत. यशवंतनगर (ता. कराड) येथील सह्याद्री सहकारी साखर कारखान्यात उसाचे गाळप सुरू आहे. दरम्यान, मागील पंधरा दिवसांपूर्वी ईएसपी बॉयलर कारखान्यात बसविण्यात आला असून त्याचे आठ दिवसांपासून टेस्टींग सुरू होते. गुरुवार रोजी सकाळी १०.३० वाजण्याच्या सुमारास कारखान्याच्या बॉयलरचे टेस्टींग सुरू होते. यावेळीच बॉयलरचा मोठा स्फोट झाला. त्या दुर्घटनेत टेस्टींगचे काम करणारे तीन ते चार कर्मचारी गंभीररीत्या जखमी झाले. जखमींना तात्काळ उपचारासाठी खासगी रुग्णालयात दाखल करण्यात आले आहे.