ब्रेकिंग

क्रीडा

आयपीएल सामने आणि तिकिट बुकींग सुविधा

Wrutuja pandharpure
18 Mar 2025

नवी दिल्ली : आयपीएलचा १८वा सीझन येत्या २२ मार्च पासून सुरू होत आहे. पहिलाच सामना गतविजेता कोलकाता नाईट रायडर्स आणि आरसीबी यांच्यात ईडन गार्डन्सच्या मैदानावर होणार आहे. तर दुसर्‍या दिवशी गतवर्षीचा उपविजेता संघ सनरायझर्स हैदराबाद राजस्थान रॉयल्सविरूद्ध सामना खेळेल. तर तिसरा सामना आयपीएलमधील एल क्लासिको म्हणजेच मुंबई इंडियन्स वि. सीएसके यांच्यात होणार आहे. या सामन्यांचा थरार लाईव्ह पाहण्यासाठी सामन्यांची तिकिट बुक करण्यासाठी काही अ‍ॅप आहेत.

आयपीएलमध्ये ७० साखळी सामने खेळवले जातील आणि त्यानंतर टॉप -४ संघ प्लेऑफसाठी पात्र ठरतील. पहिला क्वालिफायर सामना हैदराबादमध्ये २० मे रोजी तर एलिमिनेटर सामना २१ मे रोजी कोलकातामध्ये होईल. तर अंतिम सामना २५ मे रोजी खेळवला जाईल. यादरम्यान सर्वच संघांनी त्यांचे तिकिट पार्टनर्स जाहीर केले आहेत. त्यामाध्यमातून तिकीटी बूक कराता येतील.

आयपीएलच्या तिकिटांची रक्कम ही सामने आणि ठिकाणांनुसार वेगवेगळी आहे. मुंबई इंडियन्सच्या वानखेडेवरील सामन्याची कमीत कमी तिकीटाची किंमत ९९९ आहे तर केकेआरच्या सामन्यांची तिकिटांची किंमत ९९० पासून सुरू होते. गुवाहाटीमधील राजस्तान रॉयल्सच्या सामन्याच्या तिकिटांची किंमत १५०० पासून सुरू आहे. गुजरात टायटन्स ४९९ रूपये, सनरायझर्स हैदराबाद ७५० रूपये, पंजाब किंग्स १००० रूपये अशा सामन्यांच्या तिकिटांची किंमत आहे. प्लेऑफ आणि फायनल सामन्यांच्या तिकिटांची किंमत वेगळी असेल.

आयपीएल संघ आणि त्यांचे तिकीट पार्टनर्स

* चेन्नई सुपर किंग्ज - पेटीएम इनसाइडर/झोमॅटो डिस्ट्रिक्ट

* मुंबई इंडियन्स - बुक माय शो

* गुजरात टायटन्स - पेटीएम इनसाइडर/झोमॅटो डिस्ट्रिक्ट

* लखनऊ सुपर जायंट्स - बुक माय शो

* राजस्तान रॉयल्स - बुक माय शो

* पंजाब किंग्ज - पेटीएम इनसाइडर/झोमॅटो डिस्ट्रिक्ट

* सनरायझर्स हैदराबाद - पेटीएम इनसाइडर/झोमॅटो डिस्ट्रिक्ट

* कोलकाता नाईट रायडर्स - बुकमायशो

* रॉयल चॅलेंजर्स बेंगळुरू - टिकट जेनी

* दिल्ली कॅपिटल्स - पेटीएम इनसाइडर/झोमॅटो डिस्ट्रिक्ट