News - Daily Kesari

क्रीडा

शानदार शतकासह अभिषेक शर्माने मोडला राहुलचा विक्रम

Wrutuja pandharpure
14 Apr 2025

हैदराबाद : सनरायझर्स हैदराबादचा सलामीवीर अभिषेक शर्मा याने हैदराबादच्या मैदानात खेळवण्यात आलेल्या पंजाब किंग्ज विरुद्धच्या सामन्यात इतिहास रचला. पंजाबच्या संघाने दिलेल्या २४६ धावांच्या आव्हानाचा पाठलाग करताना त्याने ५५ चेंडूत १४१ धावांची मॅच विनिंग खेळी केली. आयपीएलमधील पहिले शतक झळकावताना अभिषेक शर्माने खास विक्रमाला गवणी घातली आहे.

पंजाब विरुद्धच्या सामन्यात २५६.३६ च्या स्ट्राइक रेटसह १४ चौकार आणि १० षटकारांच्या मदतीने १४१ धावांची खेळी करत अभिषेक शर्मानं भारताकडून सर्वोच्च वैयक्तिक धावसंख्येचा विक्रम आपल्या नावे केला. याआधी हा विक्रम लोकेश राहुलच्या नावे होता. केएल राहुलनं २०२० च्या हंगामात आरसीबीकडून खेळताना वानखेडेच्या मैदानात मुंबई इंडियन्स विरुद्ध ६९ चेंडूत १३२ धावांची खेळी केली होती. आयपीएलमध्ये सर्वोच्च वैयक्तिक धावसंख्या करणार्‍या दिग्गजांच्या यादीत तो आता तिसर्‍या क्रमांकावर आहे. या यादीत ख्रिस गेल १७५ धावांसह पहिल्या तर ब्रेंडन मॅक्युलम १५८ धावांसह दुसर्‍या स्थानावर आहे.

अभिषेक शर्मानं ४० चेंडूत आयपीएलमधील पहिले शतक साजरे केले. इंडियन प्रीमियर लीग स्पर्धेत भारतीय खेळाडूच्या भात्यातून निघालेली ही तिसरे जलद शतक आहे. या यादीत युसूफ पठाण ३७ चेंडूतील शतकासह अव्वलस्थानावर आहे. आणि प्रियांश आर्य (३९) नंतर भारतीय खेळाडूने तिसरे सर्वात जलद शतक ठरले.

आयपीएलमधील सर्वोच्च वैयक्तिक धावसंख्या १७५ - ख्रिस गेल (रॉयल चॅलेंजर्स बंगळुरु) विरुद्ध पुणे इंडिया वॉरियर्स, २०१३

१५८ - ब्रेंडन मॅक्युलम (कोलकाता नाईय रायडर्स) विरुद्ध रॉयल चॅलेंजर्स बंगळुरु, २००८

१४१ - अभिषेक शर्मा (सनरायझर्स हैदराबाद) विरुद्ध पंजाब किंग्ज, २०२५

१४० - क्विंटन डिकॉक (लखनौ सुपर जाएंट्स) विरुद्ध कोलकाता नाईट रायडर्स, २०२२

१३३ - एबी डिव्हिलियर्स (रॉयल चॅलेंजर्स बंगळुरु) विरुद्ध मुंबई इंडियन्स, २०१५

१३२ - केएल राहुल (किंग्ज इलेव्हन पंजाब) विरुद्ध रॉयल चॅलेंजर्स बंगळुरु, २०२०