लोहगाव : रिक्षाचालकाने महिला प्रवासाबरोबर अश्लिल कृत्य करून फरार झालेल्या रिक्षाचालकाविरुद्ध विमानतळ पोलिसांनी गुन्हा दाखल केला आहे. घटना लोहगाव परिसरात घडली. याप्रकरणी एका महिलेने विमानतळ पोलीस ठाण्यात तक्रार दिली आहे. यावरून पोलिसांनी रिक्षा चालका विरोधात गुन्हा दाखल केला आहे. तक्रारदार महिला लोहगाव परिसरातून घरी निघाली होती. लोहगाव-वडगाव शिंदे रस्त्यावर रिक्षाचालकाने एका इमारतीजवळ रिक्षाचा वेग कमी केला. प्रवासी महिलेशी अश्लिल कृत्य करण्याचा प्रयत्न केला. महिलेने आरडाओरडा केल्यनंतर रिक्षाचालकाने घाबरुन रिक्षा थांबविली. घाबरलेली महिला रिक्षातून उतरली. रिक्षाचालक तेथून पसार झाला. महिलेने पोलिसांकडे तक्रार दिली. महिलेने रिक्षाचालकाचे वर्णन आणि वाहन पाटीवरील क्रमांक पोलिसांना दिला आहे. फरार झालेल्या रिक्षाचालकाचा पोलिस शोध पोलीस नाईक जे. के. दरवडे घेत आहेत.
Fans
Followers