ब्रेकिंग

क्रीडा

आयपीएलसाठी वैभव सूर्यवंशी सज्ज

Samruddhi Dhayagude
14 Mar 2025

मुंबई : इंडियन प्रीमियर लीग २०२५ चा पहिला सामना २२ मार्च रोजी कोलकाता नाईट रायडर्स आणि रॉयल चॅलेंजर्स बंगळुरु यांच्यात खेळवला जाईल. कोलकाताने गेल्या मोसमात आयपीएलचे विजेतेपद पटकावले होते. राजस्तान रॉयल्सबद्दल बोललो तर त्यांचा पहिला सामना २३ मार्च रोजी आहे.

राजस्तानचा सामना सनरायझर्स हैदराबादशी होणार आहे. राजस्तानने मेगा लिलावात १३ वर्षांचा खेळाडू वैभव सूर्यवंशीला विकत घेतले होते. वैभवने लहान वयात मोठे पराक्रम केले आहेत.

वैभवने अनेक प्रसंगी भारताच्या १९ वर्षाखालील संघासाठी चमकदार कामगिरी केली आहे. ऑस्ट्रेलिया विरुद्धच्या सामन्यात त्याने दमदार कामगिरी केली होती. वैभवने अवघ्या ५८ चेंडूत शतक झळकावले होते.

वैभवने १९ वर्षाखालील आशिया चषक २०२४ मध्येही चमकदार कामगिरी केली होती. श्रीलंकेविरुद्धच्या उपांत्य सामन्यात त्याने भारतासाठी अर्धशतक झळकावले होते. या सामन्यात वैभवने ३६ चेंडूंचा सामना करत ६७ धावा केल्या होत्या. त्याच्या खेळीत ६ चौकार आणि ५ षटकारांचा समावेश होता. आयपीएल मेगा लिलावात वैभव सूर्यवंशी हा सर्वात तरुण करोडपती ठरला. त्याला राजस्तान रॉयल्सने १.१० कोटी रुपयांना विकत घेतले.

वैभवची मूळ किंमत ३० लाख रुपये होती. राजस्तानची नजर वैभववर खूप दिवसांपासून होती. ऑस्ट्रेलियाविरुद्ध शतक झळकावण्यासोबतच त्याने आणखी एका सामन्यात त्रिशतकही ठोकले आहे. वैभवने बिहारमध्ये १९ वर्षांखालील स्पर्धेत नाबाद ३३२ धावा केल्या होत्या. वैभवने देशांतर्गत क्रिकेटमध्येही चांगली कामगिरी केली आहे. त्याने आतापर्यंत ५ प्रथम श्रेणी सामने खेळले आहेत. त्याने लिस्ट ए चे ६ सामने खेळले आहेत.

या कालावधीत १३२ धावा केल्या आहेत. वैभवने लिस्ट ए मध्ये अर्धशतक झळकावले आहे. त्याने बिहारकडून बडोद्याविरुद्ध ७१ धावांची खेळी खेळली. बंगालविरुद्धच्या सामन्यात वैभवने २६ धावा केल्या होत्या.