ब्रेकिंग

क्रीडा

दानिश कनेरियाचे शाहीद आफ्रिदीवर आरोप

Samruddhi Dhayagude
14 Mar 2025

कराची : पाकिस्तानचा माजी क्रिकेटर दानिश कनेरियाने या बैठकीत पाकिस्तानमध्ये आपल्यासोबत होत असलेल्या भेदभावाविषयी आणि तिथे इतर लोक त्याच्याशी कसे वागतात याबद्दल सांगितले. भेदभाव आणि पाकिस्तानमध्ये समान सन्मान न मिळाल्याने कारकीर्द उद्ध्वस्त झाल्याचे त्याने म्हटले आहे.

माजी पाकिस्तानी क्रिकेटर दानिश कनेरिया म्हणाला, आज आम्ही सर्वजण येथे जमलो आहोत आणि पाकिस्तानमध्ये आमच्याशी कसे वागले गेले याचे आमचे अनुभव शेअर केले आहेत. आम्हाला खूप भेदभावाचा सामना करावा लागला आणि आम्ही त्याविरोधात आवाज उठवला आहे.

पाकिस्तानमध्ये मलाही भेदभावाचा सामना करावा लागला आहे आणि त्यामुळे माझे क्रिकेट करिअर पूर्णपणे उद्ध्वस्त झाले आहे. मला पाकिस्तानात ज्या प्रकारची आदर आणि समान वागणूक मिळाली ती मला पूर्णपणे मिळाली नाही.

पाकिस्तानात मला ज्या भेदभावाचा सामना करावा लागला, त्याच भेदभावामुळे मी आज अमेरिकेत आहे. आम्ही जागरुकता वाढवण्याबद्दल बोललो आहोत आणि पाकिस्तानमध्ये आम्हाला काय त्रास सहन करावा लागला याबद्दल आम्ही अमेरिकेला सांगू शकतो जेणेकरून कारवाई करता येईल.

पाकिस्तान क्रिकेट संघात सर्वाधिक बळी घेणार्‍या फिरकीपटू दानिश कनेरियाने शाहिद आफ्रिदीबाबत मोठा दावा केला आहे. तो म्हणाला, शाहिद आफ्रिदी धर्म बदलण्यासाठी वारंवार दबाव आणत होता.तो म्हणाला की, इंझमाम-उल-हक हा पाकिस्तानी क्रिकेट संघातील एकमेव कर्णधार होता ज्याने त्याला नेहमीच पाठिंबा दिला.

तो म्हणाला, मी माझ्या कारकिर्दीत चांगली कामगिरी करत होतो आणि काउंटी क्रिकेटही खेळत होतो.या काळात इंझमाम-उल-हकने मला खूप साथ दिली आणि तो एकमेव कर्णधार होता ज्याने माझ्याशी चांगली वागणूक दिली.दुसरीकडे, शोएब अख्तर, शाहिद आफ्रिदी आणि इतर अनेक पाकिस्तानी खेळाडू होते, ज्यांनी मला नेहमीच त्रास दिला. तो माझ्यासोबत जेवणही खात नव्हता. त्याच वेळी, शाहीद आफ्रिदी हा मुख्य व्यक्ती होता जो मला वारंवार माझा धर्म बदलण्यास सांगत होता.

पण इंझमाम उल हक माझ्याशी असे कधीच बोलला नाही. दानिश कनेरियाने पाकिस्तानसाठी एकूण ६१ कसोटी क्रिकेट सामने खेळले आहेत. अनिल दलपत यांच्यानंतर पाकिस्तान राष्ट्रीय क्रिकेट संघाचे प्रतिनिधित्व करणारा तो दुसरा हिंदू क्रिकेटपटू होता.